Keçmiş Azərbaycan diplomatı Arif Məmmədovun 78 yaşlı anası dünən ölkədən buraxılmayıb. Bu barədə Arif Məmmədov özü facebook səhifəsində yazıb.
Yaşlı qadın müayinə və qardaşının qəbrini ziyarət etmək üçün iki həftəlik Riqaya getməyə hazırlaşırdı. Amma Bakı aeroportunda onu saxlayıblar, ölkədən çıxışının qadağan edildiyini bildiriblər.
Məmmədov Azərbaycan hakimiyyətini tənqid etdiyinə görə ondan bu şəkildə qisas alan, yaşlı qadının hüquqlarını pozan məmurların əməllərini pisləyib.
Xatırladaq ki, Arif Məmmədov öz facebook səhifəsində Bakıda çoxmərtəbəli binada 16 nəfərin həyatına son qoyan yanğına görə məmurları tənqid etdikdən sonra Azərbaycanda ona qarşı cinayət işi açılıb. Bundan sonra Məmmədov dövlət əleyhinə fəaliyyətdə ittiham olunub və Aİ yanında İslam Konfransı Təşkilatının nümayəndəsi vəzifəsini tərk edib.
Eyni zamanda, onun statusunu bəyənən diplomatlar təzyiqə məruz qoyulmağa başlayıb.
Onlardan dördü Azərbaycana qayıtmaqdan imtina edərək, xaricdən sığınacaq istəyib. -06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz