Dövlət başçısı sahibkarlıq sahəsində aparılan yoxlamaların 2 il müddətinə dayandırılması haqqında qanun imzalayıb

Prezident İlham Əliyev sahibkarlıq sahəsində aparılan yoxlamaların dayandırılması haqqında qanun imzalayıb. Qanuna görə, ölkə ərazisində sahibkarlıq sahəsində aparılan yoxlamalar 2  il müddətinə dayandırılacaq. Qanun 2015-ci il noyabrın 1-dən qüvvəyə minəcək.

  Qanuna əsasən 2015-ci il noyabrın 1-dən 2017-ci il noyabrın 1-dək yalnız vergi yoxlamaları, insanların həyat və sağlamlığına, dövlətin təhlükəsizliyinə və iqtisadi maraqlarına mühüm təhlükə yaradan hallar üzrə siyahısı müvafiq icra hakimiyyəti orqanı tərəfindən müəyyən edilən yoxlamalar aparıla bilər.

 Qanun korrupsiya cinayətlərinin araşdırılması ilə əlaqədar Azərbaycan Baş Prokurorluğu tərəfindən aparılan yoxlamalara şamil edilmir.

 Bazar ertəsi dövlət başçısı sözügedən qanunun tətbiqi məqsədilə  sahibkarlıq sahəsində aparılan yoxlamaların dövlət tənzimlənməsinə dair əlavə tədbirlər barədə fərman imzalayıb.

  Fərmanla insanların həyat və sağlamlığına, dövlətin təhlükəsizliyinə və iqtisadi maraqlarına mühüm təhlükə yaradan hallar üzrə aparılmasına yol verilən yoxlamaların siyahısı təsdiq edilir.

  Əsasən dərman preparatlarının keyfiyyətinin, təhlükəsizlik qaydalarına və sanitar-gigiyenik tələblərə əməl olunmasının yoxlanması ilə Səhiyyə Nazirliyi məşğul olacaq.

 Fitosanitar tələblərə, qaydalara uyğunluq,  baytarlıq tələblərinə və qaydalarına uyğunluq Kənd Təsərrüfatı Nazirliyi tərəfindən yoxlanılacaq.

  Maliyyə Nazirliyi sığortaçıların, təkrarsığortaçıların və sığorta vasitəçilərinin fəaliyyətini yoxlayacaq.

  Kredit təşkilatlarının, habelə onların törəmə təsərrüfat cəmiyyətlərinin fəaliyyəti Azərbaycan Mərkəzi Bankı tərəfindən yoxlanılacaq.

  Radioaktiv, partlayıcı və digər xüsusi təhlükəli maddələrin və ya avadanlıqların saxlanılması və dövriyyəsi, dağ-mədən işlərinin, hidrotexniki qurğularda, neft və qazçıxarma sənaye obyektlərində və xüsusi təhlükəli digər sahələrdə işlərin görülməsi zamanı texniki təhlükəsizlik qaydalarına riayət olunmasının, aparılan işlərin və istismarda olan obyektlərin tikinti, texniki və yanğın təhlükəsizliyi normalarına uyğunluğu Fövqəladə Hallar Nazirliyi tərəfindən yoxlanılacaq.

 Həmçinin təbii qaz, su təchizatı, elektrik və ya istilik şəbəkələrinə qanunsuz qoşulma hallarının yoxlanılması nəzərdə tutulur.

  Qalan halarda yoxlamalar İqtisadiyyat və Sənaye Nazirliyinin razılığı ilə həyata keçiriləcək.—06D--

 

Rəy yaz

Siyasət

Sərhəddə gərginlik. Sülh danışıqları, yoxsa yenidən qarşıdurma? – Cəsur Məmmədov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti