Prezident İlham Əliyev bəzi ümumi və ixtisaslaşdırılmış məhkəmələrə hakimlər təyin edib

  Oktyabrın 26-da prezident İlham Əliyev Bakıda və ölkənin müxtəlif bölgələrində fəaliyyət göstərən bir sıra birinci instansiya məhkəmələrində kadr təyinatları həyata keçirib.

  Əsasən 1 saylı Bakı və Gəncə İnzibati-İqtisadi məhkəmələrinə, Tərtər Hərbi Məhkəməsinə hakimlər təyin edilib.

  Həmçinin Yasamal Rayon Məhkəməsinə beş, Binəqədi məhkəməsi – dörd, Nərimanov, Nəsimi, Nizami, Sabunçu məhkəmələri - üç, Xətai məhkəməsi – bir, Qaradağ, Səbayel və Suraxanı məhkəmələrinin hər birinə bir hakim təyin edilib.

  Bəzi hakimlər bir rayondan digərinə keçirilib.

  Şəmkir Rayon Məhkəməsinə üç, Abşeron və Şəki məhkəmələrinə  iki, Gəncə Şəhər Kəpəz və Nizami Rayon məhkəmələri, Cəlilabad, Lerik, Lənkəran, Sabirabad, Salyan rayon məhkəmələrinin hər birinə bir hakim təyin edilib.

  Dövlət başçısı NMR Hərbi Məhkəməsinə və Naxçıvan Şəhər Məhkəməsinə bir hakm təyin edib.

 Bundan əlavə, Ağstafa Rayon Məhkəməsinin sədri təyin edilib.—06D--