Ünvanların sayına görə kənd yerləri şəhərə çatacaq və hətta ötüb keçəcək. Bütün kənd daşınmaz əmlakı, o cümlədən çoxmənzilli evlər, fərdi yaşayış və qeyri-yaşayış tikililəri, hətta torpaq sahələri siyahıya alınacaq və qeydiyyat alacaq. Parlamentin aqrar siyasət komitəsinin sədri Eldar İbrahimovun sözlərinə görə, yenilik Torpaq Məcəlləsinə və “Ərazi quruluşu və inzibati-ərazi bölgüsü haqqında” qanuna dəyişikliklər çərçivəsində tətbiq ediləcək.
Obyektə hər bir girişin öz ünvan nömrəsi olacaq – sağ tərəfdən cüt, sol tərəfdən tək rəqəmlər. Nəqliyyat infrastrukturu obyektləri ilə üzbəüz yerləşən torpaq sahələrinə də ünvanlar veriləcək.
Parlamentin regional məsələlər komitəsinin (sədr Arif Rəhimzadə) iclasında da analoji dəyişikliklər təsdiq edilib. Belə ki, qanunvericiliyə təklif edilən dəyişikliklərə əsasən, müvafiq icra hakimiyyəti orqanı üç iş günü ərzində prospekt, küçə, meydan və müvafiq ərazi vahidlərinin adlarının verilməsi (dəyişdirilməsi) haqqında məlumatlandırılacaq.
Hər iki parlament komitəsinin iclasında bu dəyişikliklərə Milli Məclisin növbəti iclasında baxılması tövsiyə olunub. -17D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz