15 yaşında şəxsiyyət vəsiqəsi
15 yaşlı vətəndaşlar barmaq izi alındıqdan sonra şəxsiyyət vəsiqəsi ala biləcəklər. Milli Məclisin bugünki iclasında “Azərbaycan Respublikası vətəndaşının şəxsiyyət vəsiqəsi haqqında” və “Ölkədən çıxış, ölkəyə giriş və pasportlar haqqında” qanunlara müvafiq dəyişikliklər edilib.
Parlamentin hüquq siyasəti və dövlət quruculuğu komitəsinin sədri Əli Hüseynlinin sözlərinə görə, qanuna əsasən 15 yaşına çatmamış uşaq daktiloskopik təhlilə məruz qoyula bilməz.
Ümumvətəndaş (xarici) pasportu ümumi əsaslarla 10 iş günü ərzində veriləcək, xaricdə təcili müalicə halları istisna olmaqla (müşaiyət edən şəxsə (şəxslərə), həmçinin xaricdə yaxın qohumun ağır xəstəliyi və ya ölümü halları da aiddir) – bu hallarda pasport iki iş gün ərzində veriləcək. Yüksək rüsum ödəyərək, 5 və hətta bir iş günü ərzində ümumvətəndaş pasportu almaq olar.
Yetkinlik yaşına çatmayanların valideynlərindən birinin olmaması haqqında arayış əsasında vətəndaş vəziyyəti haqqında sənəd alması proseduru asanlaşdırıb. Məhkəmə valideynlərdən birinin ölmüş və ya itkin düşmüş olduğunun elan edilməsi haqqında, həmçinin valideynlik hüquqlarından məhrum edilməsi haqqında qərar qəbul edərsə, arayış və sənəd almaq üçün bir valideynin razılığı kifayətdir. Bu hallarda doğum haqqında şəhadətnaməyə də valideynlərdən biri haqqında məlumatlar daxil etmək olar. Təcrübə göstərir ki, qanunvericiliyə edilmiş yeniliklər əksər uşaqları və onların himayədarlarını bürokratik süründürməçilikdən azad edəcək. -17D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz