Martın 2-də Ali Məhkəmə AXCP Rəyasət Heyətinin üzvü Asif Yusiflinin cəzasını 6 ildən 5 ilə endirib.
Yusifli 2014-cü il noyabrın 25-də fırıldaqçılıq və sənədləri saxtalaşdırmaq ittihamı ilə həbs olunub. 2015-ci il iyulun 30-da 7,5 il müddətinə azadlıqdan məhrum edilib. 2016-cı il mayın 4-də Ali Məhkəmə cəza müddətini 6 ilə endirib.
2016-cı ilin yayında CM-ə düzəlişlər qüvvəyə minib. Həmin düzəlişlərə əsasən, Yusiflinin ittiham olunduğu əməllər az ağır cinayətlərə aid edilib. Müdafiə tərəfin müraciəti əsasında Nizami rayon məhkəməsi ittihamı 178.3-cü ("dələduzluq, küllü miqdarda ziyan vurmaqla törədildikdə") maddədən 178.2-ci ("dələduzluq, xeyli miqdarda ziyan vurmaqla törədildikdə") maddəyə keçirib və onun saxlanma rejimini dəyişdirib, amma azad etməyib.
Vəkil Yusiflinin həbs cəzasının qalan hissəsindən azad edilməsi üçün Apellyasiya Məhkəməsinə müraciət edib. Amma şikayət təmin olunmayıb. Bu gün Ali Məhkəmə cəza müddətini cəmi bir il azaldıb. Xatırladaq ki, Asif Yusifli siyasi məhbus kimi tanınıb. -16D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz