Aslan İsmayılov
Aslan İsmayılov məcburi qaydada məhkəməyə aparılacağını bildirir
Bakı/29.01.18/Turan: "Yanvarın 29-da saat 16.00 radələrində polis əməkdaşları məhkəmə qərarını icra etmək üçün güc tətbiq etməklə məni Səbayel Rayon Məhkəməsinə aparacaq", - "Viza" hüquq şirkətinin rəhbəri Aslan İsmayılov Turan-a bildirib.
Onun sözlərinə görə, Müasir Müsavat Partiyasının sədri Hafiz Hacıyev Cinayət Məcəlləsinin 148-ci maddəsi (təhqir) ilə xüsusi ittiham qaydasında cinayət işi qaldırılması barədə müraciət edib.
Müraciətə bu gün Səbayel Rayon Məhkəməsində hakim Azər Tağıyevin sədrliyi ilə baxılacaq.
"Hafiz Hacıyev məhkəməyə müraciətində bildirir ki, Facebook səhifəmdə onun mülkləri və bu mülkləri hansı vəsaitlə alması barədə yazdığım statusda onu təhqir etmişəm. Mənim statusumda təhqir yoxdur. Əslində hüquq- mühafizə orqanları Facebook statusumda Hafiz Hacıyevin Bakıda və Göygöl rayonunda ünvanlarını göstərdiyim mülkləri necə əldə etməsi barədə araşdırma aparmalıdır", - o qeyd edib.
Aslan İsmayılov sosial şəbəkələrdə yüksək vəzifəli məmurlarla bağlı tənqidi statusları ilə tanınır..
A.İsmayılov bildirib ki, 2017-ci ildə o, Hafiz Hacıyevi məhkəməyə verib.
"Hafiz Hacıyev məni mediada təhqir etmişdi. Məhkəməyə müraciət etdim. Nərimanov Rayon Məhkəməsi işə 8 dəfə baxdıqdan sonra işi Binəqədi Rayon Məhkəməsinə göndərdi. Binəqədi Rayon Məhkəməsində iclas günü mən məhkəmə zalında olmuşam. Məhkəmənin katibi iclasın tezliklə başlayacağını bildirib. Mən məhkəmə zalında yarım saat gözlədikdən sonra deyiblər ki, qərar elan edilib. Etiraz etmişəm. Demişəm ki, hakim qərarı zalda mənə elan etməlidir. Bu, əslində hakimin qanunsuzluğa yol verməsidir. Buna baxmayaraq, mənə qarşı Binəqədi Rayon Məhkəməsinin hakimi Rəşad Əliyevin ərizəsi əsasında 2017-ci ilin oktyabrında Binəqədi Rayon Polis İdarəsində Cinayət Məcəlləsinin 221-ci madddəi ilə (xuliqanlıq) cinayət işi başlanıb" .
Bundan sonra Hafiz Hacıyev Aslan İsmayılova qarşı xüsusi ittiham qaydasında cinayət işinin başlanması üçün Səbayel Rayon Məhkəməsinə müraciət edib.-0-
-
- Cəmiyyət
- 29 Yanvar 2018 15:50
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz