Bakı/10.07.19/Turan: Bu gün Azərbaycanda Siyasi Məhbusların Azadlığı Uğrunda İttifaq (ASMAUİ) siyasi motivlərlə cinayət təqibinə məruz qalan şəxslərin siyahısını açıqlayıb. Siyahıda 107 nəfər var və 8 qrupdan ibarətdir.
"Jurnalistlər və blogerlər" qrupuna 7 nəfər daxildir. Həmin siyahıda yeni şəxslər realliq.info saytının redaktoru İkram Rəhimov və xeberman.com saytının rəhbəri Polad Aslanovdur.
"Hüquq müdafiəçiləri" qrupunda 1 nəfər var - Əlabbas Rüstəmov.
"Müxalifət partiyaları və hərəkatlarının üzvləri" siyahısında 7 nəfər var.
"MTN cinayətlərinin qurbanları" kateqoriyasına 3 nəfər daxildir - Səid Dadaşbəylinin işi üzrə mühakimə olunanlar.
Bacısının həyat yoldaşı, xaricdə yaşayan Türkel Azərtürkün müxalifətyönlü jurnalist fəaliyyətinə görə həbs olunmuş Emin Saqiyev "siyasi girov" kimi tanınıb.
Ən çox məhbus "dindarlar" qrupundadır- 56. 46 nəfərlik ən böyük qrup Nardaran hadisələri ilə bağlı həbs olunub. İslam Partyasının lideri Mövsüm Səmədov və ilahiyyatçı Abgül Süleymanov da həmin qrupa daxildir.
Siyahıda Gəncə hadisələri ilə əlaqədar mühakimə olunmuş 18 nəfər və "ömürlük həbs olunanlar" qrupundan 14 nəfər var.
*ASMAUİ 2018-ci ilin sonlarında Sülh və Demokratiya İnstitutunun direktoru Leyla Yunus, Siyasi Məhbusların Monitorinqi Mərkəzinin rəhbəri Elşən Həsənov, hüqüq müdafiəçisi Hilal Məmmədov və Azərbaycan Ziyalılar Birliyinin sədri Eldəniz Quliyev tərəfindən yaradılıb. -06D--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz