AŞPA-nın hüquqi məsələlər və insan hüquqları komitəsinin məruzəçisi Alan Desteks cümə günü Azərbaycanın vətəndaş cəmiyyəti nümayəndələri ilə görüşüb.
Xüsusən, o, araşdırmaçı jurnalist Xədicə İsmayılova və RATI-nin sədri, bloger Mehman Hüseynovla görüşüb.
Hüseynovun Turan-a verdiyi məlumata görə, Desteks media və İnternet azadlığı sahəsində vəziyyətlə, online fəlların və jurnalistlərin, o cümlədən blogerin özünün təqibi faktları ilə maraqlanıb.
AŞPA nümayəndəsinə ölkədə siyasi məhbuslarla bağlı vəziyyət haqqında da məlumat verilib.
Desteks 2016-cı il martın 7-də Azərbaycanda hüquqların müdafiəsi ilə bağlı vəziyyəti qiymətləndirmək üçün məruzəçi təyin edilib. Həmin vaxtdan etibarən o, cəmi bir dəfə, 2016-cı il iyunun 1-də Formula 1 yarışlarının açılışı zamanı Bakıya gəlib və yalnız rəsmi şəxslərlə görüşüb. -06B-
Cəmiyyət
-
Bələdiyyə seçkiləri ilə əlaqədar heç bir beynəlxalq müşahidəçi dəvət edilməyəcək. Bunu Mərkəzi Seçki Komissiyasının (MSK) dekabrın 2-də keçirilən iclasında qurumun sədri Məzahir Pənahov deyib.
-
Dekabrın 3-də Sumqayıt şəhərində 5 mərtəbəli yaşayış binasında baş verən partlayışın səbəblərini müəyyənləşdirmək məqsədilə təhqiqat aparılır, araşdırma başa çatdıqdan sonra ictimaiyyətə məlumat veriləcək.
-
Çərşənbə günü paytaxtda hava tutqun olacaq, səhər və axşam yağış gözlənilir. Səhər zəif duman olacaq. Cənub-şərq küləyi əsəcək. Havanın temperaturu gecə müsbət 6 +8, gündüz müsbət 8 + 11, rütubət 70-80 faiz olacaq.
-
Azərbaycanın ipəkçilik və toxuculuq sənayesinin görkəmli simalarından biri olan İbrahim Mustafayev bazar ertəsi səhər paytaxtda yolu keçərkən avtomobil vurması nəticəsində dünyasını dəyişib. Onun 86 yaşı vardı.
Rəy yaz