Bu gün Bakı Apellyasiya Məhkəməsi NİDA hərəkatının fəalı Bayram Məmmədovun şikayətini təmin etməyib.
Şikayət Bakı Ağır Cinayətlər Məhkəməsinin Bayram Məmmədovun böyük ölçüdə narkotik vasitələrin qanunsuz dövriyyəsi ittihamı ilə 10 il müddətinə azadlıqdan məhrum edilməsi haqqında 8 dekabr 2016-cı il tarixli qərarından verilib.
Vəkil Elçin Sadıqovun Turan-a verdiyi məlumata görə, Apellyasiya Məhkəməsi obyektiv təhqiqat aparmayıb və müdafiə tərəfin vəsatətlərinin heç birini təmin etməyib. Bu qərardan Ali Məhkəməyə kassasiya şikayəti veriləcək.
* Bayram Məmmədov və Qiyas İbrahimov 2016-cı il mayın 10-da – Bakının mərkəzində Heydər Əliyevin abidəsinə siyasi şüarlar yazdıqdan bir gün sonra həbs olunublar.
“Beynəlxalq Amnistiya” təşkilatı onları “vicdan məhbusu” kimi tanıyıb. -06D-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz