2017-ci ilin yanvar ayında avtonəqliyyat vasitəsi sahiblərinin mülki məsuliyyətinin icbari sığortası ( AVSMMİS) üzrə sığorta haqları 2016-ci ilin yanvar ayı ilə müqayisədə 1,3% azalaraq 4,6 mln manat olub, deyə İcbari Sığorta Bürosu bildirir.
Turan-ın məlumatına görə, elektron sığorta müqavilələrinin sayı isə 3,8% artıb 59 min 87 sığorta müqaviləsi qeydiyyata alınıb.
Qeyd edək ki, noyabrın 1-dən AVSMMİS üzrə sığorta müqavilələri yalnız elektron formada bağlanır.
Hazırda avtonəqliyyat vasitəsi sahiblərinin mülki məsuliyyətinin icbari sığortası növü üzrə 13 sığorta şirkəti müqavilə bağlayır - «Atəşgah», «Standard İnsurance», «AtaSığorta», «Xalq Sığorta», «Paşa Sığorta», «AXA MBASK», «AzSığorta», Azərbaycan Respublikası Dövlət Sığorta Kommersiya Şirkət, «Meqa Sığorta», «İpək Yolu», «Azərbaycan Sənaye Sığorta», «Qala Sığorta», «Günay Sığorta». 71D
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz