Bazar ertəsi Bakı Apellyasiya Məhkəməsində Əli Gülalıyevin apellyasiya şikayətinə baxılıb. Bu haqda Ə.Gülalıyevin atası Oqtay Gülalıyev öz fecebook səhifəsində yazıb.
Apellyasiya Məhkəməsi baxışında birinci instansiya məhkəməsində olduğu kimi bilərəkdən ciddi nöqsan və saxtakarlıqlara yol verilməməsi üçün video-çəkiliş aparılması vəsatəti qaldırılıb. Hakim bu vəsatəti qəbul etməyib.
Hakim müdafiə tərəfin “zərərçəkən”in, hədə-qorxu ilə protokollara qol çəkmiş şahidlərin məhkəmədə iştirakının təmin olunması, hadisənin baş verdiyi ərazidəki müşahidə kameralarının yaddaşına baxılması vəsatətlərini qəbul etməyib. Hakim məhkəmə baxışını martın 11-nə kimi təxirə salıb.
O.Gülalıyev məhkəməni “zərərçəkən”i dinləmədən, hadisə baş verən ərazidəki müşahidə kameralarının yaddaşını incələmədən, valideynin iştirakı olmadan polis bölməsində azyaşlı şagirdlərdən alınan ifadələri araşdırmadan tələm-tələsik qərar vermək səylərində ittiham edib. “Ölkədə məhkəmələrin bu qədər aciz, rəzil və yazıq gündə olduğunu bilmirdim”, - deyə O.Gülalıyev ölkənin məhkəmə sisteminin fəaliyyətinə qiymət verib. O.Gülalıyev qeyd edir ki, siyasi fəaliyyətinə görə rəsmi Bakı məhkəmələr vasitəsilə oğlundan qisas alır.
“Siyasi Məhbuslarsız Azərbaycan” ictimai Alyansının rəhbəri, keçmiş siyasi məhbus Oqtay Gülalıyevin azyaşlı oğlu Əli Gülalıyev xuliqanlıq ittihamı ilə 2014-cü ilin oktyabrında Xətai məhkəməsi tərəfindən qazancının 15%-i dövlət nəfinə tutulmaqla, 6 ay müddətinə islah işlərinə cəlb edilib.
Xətai rayon məhkəməsinin bu qərarından apellyasiya şikayəti verilib və hazırda həmin şikayət araşdırılır. -05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz