Açiq mənbələrdən foto.
Bakı/24.11.20/Turan: Sentyabrın 27-də ölkəmizin ərazi bütövlüyünü təmin etmək üçün başlayan şanlı Vətən müharibəsi zamanı Azərbaycan Talışların İctimai Şurasının (ATİŞ) hər bir üzvü cəsur və müzəffər əsgər və zabitlərimizin döyüş ruhunu yüksəltmək üçün təbliğat aparıb. Bu barədə ATİŞ-in Azərbaycanın ictimaiyyət nümayəndələrinə müraciətində deyilir.
Müraciətin müəllifləri vurğulayırlar ki, Azərbaycan Ordusu düşmənə sarsıdıcı zərbələr endirərək noyabrın 9-da müharibəni qalibiyyətlə başa vurub.
“Biz qələbənin bütün Azərbaycan vətəndaşlarının monolit birliyi və səmimi qardaşlıq ünsiyyəti sayəsində qazanılmasının şahidi olduq. Böyük iftixar hissi ilə onu da qeyd edək ki, bu misilsiz qələbənin qazanılmasında talış əsilli əsgər və zabitlərimiz döyüş meydanlarında misli görünməmiş qəhrəmanlıq, şücaət və rəşadət nümunələri göstərdilər. Onların arasında xeyli sayda şəhid, yaralanan, itkin düşənlər də oldu. Şəhidlərimizin ruhu qarşısında baş əyirik”, - müraciətdə deyilir.
Müəlliflər Azərbaycanda güclü, demokratik dövlət qurmağın tərəfdarıdırlar.
“Biz talışlar güclü, qüdrətli ölkəmizdə - doğma, azad, demokratik Azərbaycanımızda qürürlu, ləyaqətli, firavan və xoşbəxt yaşamaq istəyirik”, - müraciətdə qeyd olunur.
Onlar milli özünüifadənin vacib komponenti olan talış dilinin tədrisi və inkişafı ilə bağlı problemləri qeyd edirlər. 21 fevral 2020-ci il - Beynəlxalq Ana Dili Günündə ATİŞ mövqe sənədi qəbul edib və talış dilinin inkişafı ilə bağlı təkliflərin olduğu müraciəti ali hakimiyyət orqanlarına göndərib.
Lakin onların müraciətinə heç bir reaksiya və cavab verilməyib. ATİÇ hesab edir ki, indi, müharibənin qələbə ilə başa çatması, cəmiyyətdə ruh yüksəkliyi və mənəvi yüksəliş fonunda talış dilinə qayğı ilə bağlı məsələlər də öz həllini tapa bilər.
Müəlliflər ictimaiyyət nümayəndələrinə, ziyalılara və din xadimlərinə, siyasətçilərə, alimlərə, jurnalistlərə və dövlət məmurlarına müraciət edərək onların təşəbbüsünü dəstəkləməyə çağırırlar.
Müraciəti ATİŞ həmsədrləri: Hilal Məmmədov, Mehdibəy Səfərov və Ataxan Əbilov imzalayıblar. —06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz