Açiq mənbələrdən foto.
Bakı/24.11.20/Turan: Azıx mağarasından arxeoloji tapıntılar Bakıya gətirilib. Bu barədə Elmlər Akademiyası Arxeologiya və Etnoqrafiya İnstitutunun məlumatında deyilir.
Qeyd edək ki, Azərbaycanda qədim ibtidai insan düşərgəsi – Azıx mağarası Xocavənd rayonunda (Hadrut) yerləşir. 30 ilə yaxındır ki, bu ərazi erməni işğalı altında idi. Bu müddətdə ermənilər qazıntı aparmaq üçün xarici alimləri cəlb etmiş və bu yeri erməni tarixinə aid qədim yaşayış məntəqəsi kimi təqdim etmişdilər.
Arxeologiya İnstitutunun professoru Nəcəf Müseyiblinin verdiyi məlumata görə, bir neçə gün öncə Xocavənd rayonunun Azıx kəndindəki evdə axtarış zamanı Azərbaycan hərbçiləri üzərində "Azıx" yazılmış və içərisində arxeoloji materialların olduğu qutuları aşkar ediblər. Bu barədə Azərbaycanın dövlət strukturlarına məlumat verilib.
Baxış zamanı müəyyən edilib ki, qutulardakı materiallar erməni işğalı dövründə toplanıb. Bu tapıntılar paleolit dövrünə aid olub. Onların hamısı 90 plastik yeşikdə olub və noyabrın 23-də Bakıya gətirilərək institutun Arxeoloji Fonduna yerləşdirilib.
Bütün tapıntılar Arxeologiya və Etnoqrafiya İnstitutunda araşdırılacaq və və təhlil ediləcək.
* Azıx mağarası 1960-cı ildə Azərbaycan alimləri tərəfindən kəşf edilib. Sahəsi 800 kv.metrdir. Məmmədəli Hüseynovun rəhbərliyilə qazıntı işləri zamanı təxminən 300 min il tarixi olan gənc qadın alt çənəsi tapılıb.-02D-
Mədəniyyət
-
Azərbaycan kinosunun çoxdan gözlənilən anı nəhayət gəlib çatdı. Yerli rejissorlar öz yeni əsərlərini təqdim edərək, animasiya, dram və uşaqlıq xəyalları ilə dolu bir qarışığı böyük ekranlara gətirdilər. Nurlan Həsənlinin Erkən Hisslər, Hacı Səfərovun Tərsinə Kölgələr və Məsud Pənahinin animasiya filmi Nərqız maraqla gözlənilən tamaşaçılar tərəfindən həm alqışla, həm də tənqidlə qarşılandı.
-
Tarixdə baş verən hadisələr sadəcə bir rəqəm, tarixi yaddaş olaraq qalmır. Bu hadisələr mədəni yaddaşda da dərin izlər buraxır. Xüsusən sənətçilər hadisələri öz hiss etdikləri, anladıqları formada əsərlərinə köçürdürlər. 20 Yanvar da mədəni yaddaşa köçmüş hadisələrdən biridir. Müasir dövr yaradıcılığında nisbətən az işlənən mövzu olsa da heç vaxt öz aktuallığını itirmir. Bu tarixi yaddaş necə göstərilməlidir? İncəsənətdə necə öz əksini tapır?
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
Rəy yaz