Avropa Məhkəməsi İlqar Nəsibovun işini araşdırır
Avropa Məhkəməsi böhtana görə cinayət cəzası almış jurnalist İlqar Nəsibovun şikayətini araşdırmağa başlayıb. Məhkəmə jurnalistin şikayəti üzrə hökumətə sorğu göndərib. Hökumət məhkəmənin suallarını may ayının 2-dək cavablandırmalıdır. Bunu Turan-a fəaliyyətini dayandırmış
Media Hüququ İnstitutunun əməkdşaı Xalid Ağəliyev bildirib.
Araşdırılmağa başlamış iş jurnalistin “Azadlıq Radiosu”nun bölgə müxbiri işlədiyi 2007-ci ildə böhtana görə şərti olaraq azadlıqdan məhrum edilməsi ilə bağlıdır. Jurnalist o zaman deputat İsa Həbibbəylinin şikayəti üzrə bir il müddətinə şərti aqzadlıqdan məhrum edilib. Buna paralel jurnalistin evində, ofisində axtarış aparılıb, e-mail ünvanları yoxlamaya məruz qalıb. İ.Nəsibovun vəkillərinin pozuntularla bağlı yerli məhkəmələrə verdikləri şikayətlərsə təmin edilməmişdi.
Vəkillərin Avropa Məhkəməsinə göndərdikləri şikayətdə qeyd olunur ki, ölkə məhkəmələri hüquqları pozulan jurnalistin iddiaları üzrə qərarlar verərkən Avropa Konvensiyasında təsbit olunmuş ədalətli məhkəmə araşdırması (maddə 6), qanunsuz cəzalandırılmamaq (maddə 7), şəxsi həyatın toxunulmazlığı (maddə 8) və ifadə azadlığı (maddə 10) hüququna müdaxilə ediblər. Avropa Məhkəməsindən ərizəçinin hüquqlarının pozulmasının tanınması, onların işlə bağlı çəkdikləri xərclərin, habelə dəymiş maddi və mənəvi zərərlərin əvəzinin ödənilməsinin təmin olunması xahiş edilib. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz