![Avropa məhkəməsi Xədicə İsmayılovanın «Səs» qəzetinə qarşı şikayəti üzrə kommunikasiyaya başlayıb](https://turan.az/resized/750/500/resize/media/2016/main/012700144843.jpg)
Avropa məhkəməsi Xədicə İsmayılovanın «Səs» qəzetinə qarşı şikayəti üzrə kommunikasiyaya başlayıb
Avropa məhkəməsi araşdırmaçı jurnalist Xədicə İsmayılovanın şiikayəti əsasında Azərbaycan hökumətinə sorğu göndərib. Belə ki, Azərbaycan hökuməti “Səs” qəzetində jurnalistlə bağlı dərc olunan məqalə barədə sorğulara cavab verəcək. Bu barədə vəkil Fariz Hamazlı “Amerikanın səsi”nə bildirib.
2012-ci il noyabrın 6-da “Səs” qəzetində “Tarixi deputatxana” sərlövhəli məqalə ilə əlaqədar Xədicə İsmayılovanın Avropa məhkəməsinə göndərdiyi şikayət üzrə kommunikasiya mərhələsi başlayıb. Bu iş üzrə jurnalistin hüquqlarını həm yerli məhkəmələrdə, həm də Avropa məhkəməsində Media Hüququ İnstitutu müdafiə edib.
Xədicə İsmayılova “Tarixi deputatxana” adlı məqalədə şərəf və ləyaqətinin alçaldılması ilə bağlı məhkəməyə müraciət edib, “Səs” qəzetinin üzr istəməsini və mənəvi zərərə görə 50 min manat kompensasiya ödəməsini tələb edib. Yerli məhkəmələr jurnalistin şikayətlərini təmin etməyib və iş Avropa məhkəməsi müstəvisinə çıxarılıb. Strasburqa göndərilən ərizədə Avropa Konvensiyasının 6-cı (ədalətli məhkəmə araşdırması), 8-ci (şəxsi və ailə həyatına hörmət) və 10-cu (ifadə azadlığı) maddələrində nəzərdə tutulan hüquqların pozuntusunun tanınması xahiş olunub.
Bu iş üzrə kommunikasiya mərhələsi 2016-cı il yanvarın 7-də başlayıb.-03D-
-
- İqtisadiyyat
- 27 Yanvar 2016 12:48
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz