Bakıda keçiriləcək I Avropa Oyunları ilə əlaqədar paytaxtın bəzi yol və prospektləri bağlanır.
Bakı yol polisinin açqılamasına görə, paytaxtın 5 küçəsi iyunun 30-na qədər bütünlüklə avtomobillərin hərəkəti üçün bağlanır.
Həmin yollardan yalnız bu əraziyə giriş icazəsi olan şəxslər buraxılır və bu icazə qeyd edilən ünvanlarda yaşayan vətəndaşlara verilir.
Bakıda Mehdi Hüseyn, Teymur Elçin, Lermontov, Xanlar, Qurban Abbasov küçələri tam bağlanır.
Lermontov küçəsinin giriş və çıxışında yol polis patrullarının növbə çəkməsi nəzərdə tutulur. Mehdi Hüseyn küçəsində isə yol polisilə birgə Avropa Oyunları Təşkilatının nümayəndələrinin də növbədə olması qərara alınıb.
İyunun 12-də oyunların açılışı ilə əlaqədar mərkəzi küçələrdən bəziləri avtomobillərin hərəkəti üçün bağlanır. Həmin gün Mehdi Hüseyn, Şeyx Şamil, Bünyad Sərdarov, Həsən Seyidbəyli küçələrinin, Heydər Əliyev və Ziya Bünyadov prospektlərinin (Olimpiya Stadionu ərazisinə yaxın olan sahə) vətəndaşların girişi üçün məhdudlaşdırılır. -05D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz