Avropa Oyunlarının Əməliyyat Komitəsi təşkilatçılar komandasının üzvünün vəfat etdiyini təsdiq edib
“Bakı-2015” I Avropa Oyunlarının Əməliyyat Komitəsi iyunun 23-də “FiveCurrents” şirkətinin Bakıda öz yaradıcı heyətinin üzvlərindən birinin vəfat etdiyini dərin hüznlə təsdiq edən bəyanatını yayıb. Ölümə Heydər Əliyev prospektində avtoqəza səbəb olub.
“O, Britaniya vətəndaşıdır və Avropa Oyunları mərasimlərinin təşkilatçısı olan “FiveCurrents” şirkətində müqavilə əsasında işləyir. Qəzadan dərhal sonra komandanın digər üç üzvü dərhal xəstəxanaya yerləşdirilib. Bu, Estoniya, Nepal və Böyük Britaniya vətəndaşlarıdır. Bir müddət sonra onlar müalicəni davam etdirmək üçün vətənə göndəriləcəklər. Həlak olan şəxs 1992-ci il təvəllüdlü Böyük Britaniya vətəndaşı Mixaç Maksvell-Milne BEGOC-un məsul şəxslərindən birinin oğludur”.
Hüquq-mühafizə orqanları bildiriblər ki, YNH sürətin aşılması ilə əlaqədar baş verib.
Qeyd edək ki, bu, Avropa Oyunları zamanı ikinci ciddi hadisədir. İyunun 11-də Olimpiya kəndində avtobus Avstriya komandasının üç üzvünü vurub. Avtobus sürücüsü həbs edilib, qızlar isə ağır xəsarətlər alıblar. -16D04-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz