Avropa Oyunlarının təşkilatçıları Britaniya komandasının xərclərini ödəyiblər?

Britaniya Olimpiya Assosiasiyası (BOA) etiraf edib ki, Bakıda keçiriləcək birinci Avropa Oyunlarının təşkilatçıları bu ölkədən olan atletlər komandasının iştirakı üçün pul ödəyiblər. Bu barədə Britaniyanın “The Guardian” nəşri yazıb.

BOA iyunda Azərbaycana 160 atlet göndərəcək. Bu, ötən il Soçiyə göndəriləndən 3 dəfə çoxdur. Böyük Britaniya komandasının rəhbəri Mark İnqland deyib ki, komandanın göndərilməsi xərcini artıqlaması ilə təşkilatçılar çəkir.

“Təşkilat Komitəsindən iştirak qrantları almışıq. Ümid edirik ki, ümumi xərcimiz sıfıra bərabər olacaq”, - o deyib.

Bu arada insan haqları təşkilatları alyansı Beynəlxalq Olimpiya Komitəsinə (BOK) müraciət edərək oyunları qəbul edən ölkədə insan hüquqlarının vəziyyətini müzakirə etməyə çağırıb,    “The Guardian”  yazır və əlavə edir ki, Azərbaycanda 100-ə yaxın siyasi məhbus var.

M.İnqland Azərbaycanda insan hüquqlarının vəziyyətini şərh etməyərək bunun onun səlahiyyətində olmadığını bildirib.

Bakı Avropa Oyunları Təşkilat Komitəsi hələlik “The Guardian”da dərc edilən yazını şərh etmir.-16D-

Rəy yaz

Cəmiyyət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti