![Bakıda beynəlxalq istiqraz konqresi keçiriləcək](https://turan.az/resized/./turan-750-500-resize.webp)
Bakıda beynəlxalq istiqraz konqresi keçiriləcək
Mayın 21-22-də Bakıda “MDB və Baltikyani ölkələrin İstiqraz Konqresi” keçiriləcək. Regionda milli valyutaların məzənnəsi düşdüyü üçün tədbirin maraqlı olacağı gözlənilir.
İstiqraz Konqresini Cbonds informasiya agentliyi təşkil edir və orda, Baltikyani ölkələr, RF, Belarus, Qazaxıstan və digər MDB ölkələrinin daxili istiqraz bazarlarında, inkişaf etməkdə olan avroistiqraz bazarlarında vəziyyət müzakirə ediləcək.
Konqres 12-ci dəfə keçirilir. Bu dövrdə iştirakçılar RF (Soçi), Monteneqro, Ukrayna (Yalta, Odessa), Ermənistan, Belarus, Azərbaycan, Litva, Latviya, Qazaxıstanda olub. 2007-ci ildə tədbir Bakıda keçirilib. Konqresdə qiymətli kağızlar bazarı, investisiya şirkətləri, maliyyə təşkilatlarını təmsil edən 350 nəfərin iştirakı gözlənilir.
2014-cü ildə Azərbaycan korporativ istiqraz bazarının həcmi 2 174,8 mln manat olub. Onun əsas emitenti dövlətdir («Cənubi qaz dəhlizi» və AİF). Banklar, lizinq şirkətləri də istiqraz buraxır. Ötən il birja listinqinə ilk dəfə mebel istehsalı və satışı şirkətinin korporativ istiqrazları daxil edilib. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz