Avtoqəzalarda 19 nəfər ölüb, 51 nəfər yaralanıb
Azərbaycanın avtomobil yolları sanki “müharibə meydanı”dır. Elə bil yollarda avtomobillər yox, tanklar hərəkət edir.
Mayın 18 və 19-da avtomobil yollarında 17 yol-nəqliyyat hadisəsi baş verib, 19 nəfər ölüb, 51 nəfər yaralanıb.
Avtomobil qəzalarının baş verdiyi zaman kəsiyini toplayıb ölən və yaralananların sayına böləndə dünyanın ən böyük tank döyüşü - Kursk döyüşündə də belə fəlakət yaşanmayıb. Kursk döyüşündə 1200 tank iştirak edib, Amma Azərbaycanın avtomobil yollarında eyni anda 1200 avtomobilin hərəkət etdiyini düşünmək belə çətindir.
Daxili İşlər Nazirliyinin mətbuat xidmətinin məlumatlarına görə, ölümlə nəticələnən qəzalar əsasən avtomobillərin yoldan çıxması, toqquşması və piyadaların vurulması ilə müşayiət olunub.
Belə ki, mayın 18-də Quba rayonunun Aşağı Altuc kəndinin RAF markalı mikroavtobusun yolun kənarındakı ağaca çırpılması nəticəsində 5 nəfər ölüb, 6 nəfər yaralanıb.
Mayın 19-da Şamaxı rayonu ərazisində “Land Rover” markalı avtomaşını yolun kənarındakı hasara çırpılması nəticəsində 3 nəfər ölüb, 2 nəfər xəsarət alıb.
Mayın 18-də Bakının Nəsimi rayonu ərazisində “Daewoo” və “Mercedes” markalı avtomaşınların toqquşması zamanı 1 nəfər ölüb, 5 nəfər xəsarət alıb.
Mayın 19-da İmişli rayonunun Rəsullu kəndi ərazisində iki "Mercedes" markalı avtomaşının toqquşması zamanı 2 nəfər ölüb, 3 nəfər xəsarət alıb.
Mayın 18-də Şəmkir rayonunun Çənlibel kəndi ərazisində “VAZ-2101” və “VAZ-21074” markalı avtomaşınlar toqquşması nəticəsində 4 nəfər ölüb, 4 nəfər xəsarət alıb. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz