Tbilisi/20.05.13/Turan-BS PRESS: Müxalif Leyborist Partiyası Gürcüstan hökumətini yanacaq qiymətlərini süni şəkildə artırmaqda ittiham edib, bu barədə partiyanın mətbuat xidməti bazar ertəsi məlumat yayıb.
“İvanişvili hakimiyyəti neft inhisarını aradan qaldırmayıb, əksinə, onu öz əlinə alıb və əsas neft mafiyasına çevrilib. Onlar ənənəvi olaraq yanacaq qiymətlərini süni şəkildə artırmaqla xalqı soymağa davam edir. Bundan başqa, hakim mafiya ilə rəqabət yaranmaması üçün Maliyyə Nazirliyinin əmri ilə sürücülərə Azərbaycanda 20 litr belə yanacaq gətirməyi qadağan edilib”, deyə partiyanın bəyanatında bildirilir.
Bununla əlaqədar olaraq, partiya Maliyyə Nazirliyinin kiçik sahibkarların Azərbaycandan ucuz yanacaq gətirməsini qadağan edən əmrini ləğv etməyi, habelə “neft mafiyasının kriminal fəaliyyətinin” təhqiqatına başlamağı “qəti şəkildə tələb edir”.
Gürcüstan hökumətinin nümayəndələri hələlik bu ittihamları şərh etmir. -02D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz