Notarius elektron xidmətlərə keçidə hazırlaşır
Notarius kontorları mütləq qaydada elektron imzalardan istifadə ilə həyata keçirilən əməliyyatlara keçəcək, bu barədə Ədliyyə Nazirliyi Notarius İdarəsinin rəisi Mehman Sultanov dünən “Notarius sahəsində müasir vəziyyət və həyata keçirilən dəyişikliklər. Elektron xidmətlər” mövzusunda dəyirmi masada çıxış edərkən bildirib.
Sultanov qeyd edib ki, müvafiq layihə İqtisadi İnkişaf Nazirliyi ilə birlikdə, demək olar ki, hazırlanıb. Bu sənəd qüvvəyə mindikdən sonra daşınmaz əmlak haqqında arayışları, o cümlədən tarifləri, bazarda mövqe və qiymətləri notarius kontorlarının elektron bazasından əldə etmək mümkün olacaq. Onun sözlərinə görə, bu yenilik, çox güman ki, ikinci yarımildə tətbiq ediləcək.
Məmur 2 nömrəli forma üçün MİS-lərə, 1 nömrəli forma üçün reyestr xidmətinə çoxsaylı müraciətlər olduğunu qeyd edərək, bunun vaxt və əsəb itkisinə səbəb olduğunu bildirib. Yeni dəyişiklik vətəndaşların yarım saat ərzində arayış və digər sənədləri əldə etməsinə imkan verəcək.
Ədliyyə Nazirliyində hesab edirlər ki, notarius fəaliyyəti haqqında qanun elektron imzaların tətbiqi nəzərə alınmaqla müasirləşdirilməli idi. Notariusların üçdə birindən çoxu özəl fəaliyyəti təcrübə edir ki, bu da yeni texnologiyaların tətbiqində əlavə çətinliklər yaradır.
Sultanov bildirib ki, Ədliyyə Nazirliyi vətəndaşların notarius xidmətləri ilə bağlı şikayətlərinə operativ reaksiya verir. İlin əvvəllərindən etibarən 7 notarius kontoruna nöqsanlara görə xəbərdarlıq edilib, üç dövlət notariusu barəsində töhmət verilib. Sultanov notariusların fəaliyyətinin yaxşılaşdırılması yollarından birini treninqlərin və ixtisasartırma kurslarının çoxaldılmasında görür.
“Transparency International” beynəlxalq korrupsiyaya qarşı mübarizə şəbəkəsinin yerli nümayəndəliyi tərəfindən təşkil edilmiş dəyirmi masada bir sıra ekspertlər Azərbaycanda notarius fəaliyyətini qeyri-kafi qiymətləndiriblər. Onlar hesab edirlər ki, ilk növbədə elektron xidmətlərin tətbiqi ilə məmurların müştərilərlə birbaşa əlaqələrinin minimuma endirilməsinə nail olmaq lazımdır. -17D-
-
- İqtisadiyyat
- 20 May 2013 16:23
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 198
Rəy yaz