AXCP fəalı 10 günlük həbs olunub (yenilənib)

Bakı/10.07.17/Turan: Bazar ertəsi Səbail rayon məhkəməsinin qərarı ilə Azərbaycan Xalq Cəbhəsi Partiyasının (AXCP) üzvü Füzuli Hüseynov 10 gün müddətinə həbs edilib.

O, "polisin qanuni tələblərinə tabe olmamaqda" təqsirli bilinib. Bu barədə jurnalistlərə Hüseynov özü zaldan çıxarılıb polis maşınına mindirilərkən bildirib. -06D-

* * *

2017 İyul 10 (Bazar ertəsi) 16:04:06

Təkbaşına aksiyaçı məhkəməyə aparılıb

Bakı/10.07.17/Turan: AXCP fəalı Füzuli Hüseymnov iyulun 9-da Bakının Səbayel rayonu ərazisində saxlanılıb. Hazırda onu Səbayel Rayon Məhkəməsinə aparıblar. Bu barədə Turan-a AXCP Gənclər Komitəsinin sədri İlham Hüseyn bildirib

Füzulu Hüseynov təkbaşına aksiyaçı kimi tanınır.

Hüseyn deyib ki, o dünən "vicdan məhbusu" kimi tanınan Qiyas İbarhimova həbsxanada işgəncə verilməsinə etiraz olaraq aksiya keçirmək üçün evindən çıxarkən saxlanılıb. F.Hüseynovun nədə günahlandırıldığı barədə hələ rəsmi məlumat verilməyib.

Füzuli Hüseynov bundan öncə iyunun 19-da Bakıda metronun "28 May" stansiyası qarşısında "Siyasi məhbuslara azadlıq!" şüarı qaldırararq təkbaşına aksiya keçirib. O, polisə tabe olmamaq ittihamı ilə 200 manat cərimə edilib. Qərarı iynun 20-də Nəsimi Rayon Məhkəməsində hakim Babək Pənahov qəbul edib.

Maraqlıdır ki, F.Hüseynov eyni yerdə və eyni şüarla may ayında da təkbaşına aksiya keçirib. -03B-