Azərbaycan Xalq Cəbhəsi Partiyası (AXCP) Gənclər Komitəsinin Yasamal rayon şöbəsinin üzvü Samir Məmmədliyə inzibati qaydada 30 sutka həbs cəzası verilib. Bu barədə Turan-a AXCP sədrinin müavini Gözəl Bayramlı bildirib.
Onun sözlərinə görə, S.Məmmədlinin həbsinin səbəbi, hansı ittihamla saxlanıldığı və hansı məhkəmənin onun barəsində həbs qərarı çıxarmasına dair məlumat verilmir.
O, S.Məmmədlinin noyabrın 3-də səhər saatlarında Daxili İşlər Nazirliyinin Baş Mütəşəkkil Cinayətkarlığa Qarşı Mübarizə İdarəsinə (BMCQMİ) aparıldığını deyib.
AXCP sədri Əli Kərimli gənc fəalın həbsinə münasibət bildirib. “AXCP Yasamal şöbəsinin gənc üzvü Samir Məmmədovu “bandotdel” (BMCQMİ nəzərdə tutulur-red.) həbs etmişdi. İndi məlum olur ki, xəlvətcə keçirilən ASAN məhkəmə vasitəsilə Samir bəyi 30 sutka müddətinə inzibati qaydada həbs ediblər. Hakimiyyət gənclərin kütləvi şəkildə ictimai – siyasi proseslərə, xüsusilə də AXCP-yə qoşulmasından çox qorxur. Amma anlamırlar ki, onlardan qabaq mövcud olmuş diktaturalar, avtoritar rejimlər də qorxurdu və həbs etməklə qorxutmağa çalışırdı, lakin repressiyaların onlara faydası olmadı… Həbslərin sizə də faydası olmayacaq, sizin də istiqamətiniz oraya doğrudur!”, - AXCP sədri Facebook səhifəsində yazıb.-03B-
-
- İqtisadiyyat
- 4 Noyabr 2016 14:49
-
- Siyasət
- 4 Noyabr 2016 16:49
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz