![«Mastercard» Azərbaycanda nümayəndəlik açıb](https://turan.az/resized/./turan-750-500-resize.webp)
«Mastercard» Azərbaycanda nümayəndəlik açıb
Bakıda Bu gün “Mastercard” şirkətinin Azərbaycanda nümayəndəliyinin açılması ilə bağlı tədbir keçirilib.
"MasterCard"ın Azərbaycan üzrə meneceri Alper Meriç jurnalistlərə deyib ki, hazırda Azərbaycanda nağd ödənişlərin payı 90%-dən çoxdur: «"Buna baxmayaraq, ölkə nağdsız ödəmələrin inkişafı üçün böyük potensiala malikdir və artıq sözügedən istiqamətdə uğurlu nəticələr əldə edilib. Ölkənin rəqəmsal və nağdsız ödənişlərin tətbiqi üzrə regionda lider mövqe tutmasını, “MasterCard”ın ən innovativ texnologiyalarını ilk tətbiq edən ölkələrdən biri olmasını arzulayırıq», deyə o bildirib.
Mastercard hələ ölkədə 28 bankla əməkdaşlıq edir. Amma «Nağdsız Azərbaycan» konsepsiyası çərçivəsində işləmək istəyir.
“MasterCard"ın Türkiyə və Azərbaycan regionu üzrə meneceri Yasemin Bedir deyib ki, Azərbaycanda fəaliyyət göstərən banklar və dövlət orqanları ilə əməkdaşlığı genişləndirmək niyyətindədir. «Azərbaycan hökuməti və kommersiya bankları arasında sıx əməkdaşlıq edirik. Azərbaycanda nağdsız hesablaşmaların artırılması sahəsində elektron ödəniş infrastrukturunun inkişaf etdirilməsi, əhatə dairəsinin və nağdsız ödənişlərdə innovativ texnologiyaların tətbiqinin genişləndirilməsi, elektron ödəniş xidmətlərinin institusional bazasının gücləndirilməsi, əhali və iqtisadi subyektlərin elektron ödəniş xidmətlərindən istifadəyə cəlb edilməsi olduqca vacibdir. Araşdırmalarımız göstərir ki, növbəti 3 ildə nağdsız ödənişlər nağd ödənişləri azaldacaq. Bu, ÜDM-in 3%-i təşkil edə bilər», - deyə menecer bildirib.
Mastercard Azərbaycanda 1997-ci ildən fəaliyyət göstərir. AMB-nin son məlumatına görə, avqustda ödəniş kartları ilə bankomat və POS-terminallarla dövriyyə 1,1 mlrd manat olub.
Bu gün Azərbaycanda 5,27 mln ödəniş kartı var (ötən ilin 1 sentyabrına nisbətən mənfi 8,5%). 4 mln 542 min debet kartı ilə büdcəçilər və pensiyaçılar cüzi vəsait alır. Bu səbəbdən ödəniş kartları alış və xidmət haqqı ödənişi vasitəsi kimi istifadə edilmir. --17D—
-
- İqtisadiyyat
- 4 Noyabr 2016 14:44
-
- Cəmiyyət
- 4 Noyabr 2016 16:47
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz