Bu gün Bakının Nərimanov rayon məhkəməsi Xalq Cəbhəsi Partiyasının Sabirabad rayon təşkilatının fəalı Murad Ədilovun həbs müddətini 2 ay uzadıb.
Xatırladaq ki, Ədilov avqustun 11-də axşam Sabirabadda atasının evində qanunsuz narkotik saxlamaq və satmaq ittihamı ilə saxlanılıb. O, “Azadlıq” qəzetinin əməkdaşı və AXCP mətbuat katibi, “Azərbaycan saatı” İnternet proqramının aparıcısı Natiq Ədilovun qardaşıdır.
N.Ədilov polisin təzyiqi və qardaşının həbsi ilə əlaqədar ölkəni tərk etmək məcburiyyətində qalıb.
Vəkil Yalçın İmanovun Turan-a verdiyi məlumata görə, heç bir istintaq hərəkəti həyata keçirilmir və həbs müddətinin uzadılması üçün heç bir zərurət olmayıb.
Müdafiə tərəfi apellyasiya şikayəti vermək və həbs cəzasının ev dustaqlığı ilə əvəz edilməsi haqqında yeni vəsatət irəli sürmək niyyətindədir.
İmanov xatırladıb ki, M.Ədilovun saxlanılması və həbsi qanun pozuntusu ilə həyata keçirilib.
Belə ki, Sabirabad rayon polisində o, döyülüb. Qətimkan tədbiri vəkilinin iştirakı olmadan seçilib. -0B-
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz