AXCP fəalı Tofiq Məmmədov həbs edilib
Bakı/27.02.18i/Turan: Xalq Cəbhəsi Partiyasının fəalı Tofiq Məmmədov inzibati qaydada 15 günlük həbs olunub. Bu qərarı Yasamal Rayon Məhkəməsi hələ fevralın 23-də qəbul edib. Bu barədə Turan-a partiyadan bildiriblər. Fəalın konkret olaraq nədə ittiham olunduğu məlum deyil.
Partiyada hesab edirlər ki, həbsin səbəbi Məmmədovun Kanal-13 İnternet televiziyasına müsahibəsində guya metro yaxınlığında limon satandan "narkotik sat, amma limon satma" deyərək rüşvət tələb edən polis əməkdaşlarından sitat gətirməsi olub.
Vəkil Əsabəli Mustafayev fevralın 27-də Məmmədovla görüşmək niyyətindədir. -06D-
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz