Фуад Ахмедли
Bakı/27.09.18/Turan: Bakı Apellyasiya Məhkəməsində hakim Sahibxan Mirzəyevin sədlriyi ilə Azərbaycan Xalq Cəbhəsi Partiyasının (AXCP) Gənclər Komitəsinin üzvü Fuad Əhmədlinin şikayətinə ilkin baxış olub. Məhkəmə baxışı oktyabrın 4-nə təyin edilib.
Fuad Əhmədli özü məhkəmədə iştirak edib.
Fəalın atası Zəfər Əhmədli Turan-a bildirib ki, vəkil Əsabəli Mustafayev vəkillik fəaliyyətindən bir il müddətinə uzaqlaşdırıldığına görə Fuad Əhmədli müdafiəsiz qalıb.
"Bu səbəbdən məhkəmə heyəti ona dövlət vəkili təyin edilməsi barədə qərar qəbul edib".
Fuad Əhmədli 17 avqust 2016-ci ildə "əməliyyat-axtarış fəaliyyəti haqqında qanun normalarını pozmaq", xüsusən, "Azərfon" mobil rabitə şirkətinin istifadəçilərinin şəxsi məlumatlarını yaymaq ittihamı ilə həbs edilib. Bundan başqa, ona qarşı vəzifə səlahiyyətlərindən sui-istifadədə ittihamı elan olunub. Əhmədli 2017-ci il iyunun 16-da 4 il müddətinə azadlıqdan məhrum edilib. Həmin il avqustun 17-də apellyasiya məhkəməsi hökmü qüvvədə saxlayıb. Ali Məhkəmə də 2018-ci il martın 6-da gənc fəalın işinə baxıb və hökm dəyişdirilmədən qüvvədə saxlanılıb.
Fuad Əhmədli hüquq müdafiəçiləri tərəfindən siyasi məhbus kimi tanınıb.
Fəal cəzasının üçdə ikisini çəkdikdən sonra 2018-ci ilin iyulunda Bakının Suraxanı rayon Məhkəməsinə vaxtından əvvəl şərti azadlığa buraxılması haqqında müraciət edib. Müraciətə 16 saylı Cəzaçəkmə Müəssisəsində keçirilən səyyar iclasda hakim Elçin Ağayevin sədrliyi ilə baxılıb və təmin edilməyib.
Cəzaçəkmə müəssisəsinin rəhbərliyi F.Əhmədlinin vaxtından əvvəl azadlığa buraxılmasına qarşı çıxıb və fəalın hələ islah olunmadığını bildirib.
"Müəssisənin ictimai həyatında aktiv iştirak etmir, özünə qapanır, az ünsiyyətdə olur, yatağını bir dəfə səliqəsiz yığıb", cəzaçəkmə müəssisəsinin təmsilçisi məhkəməyə belə deyib. Məhkəmə də bunu əsas tuataraq, fəalı azadlığa buraxmayıb.
Fuad Əhmədli Suraxanı rayon Məhkəməsinin bu qəraraından apellyasiya şikayəti verib. -03B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz