Bakı/26.01.19/Turan: Yanvarın 25-də "Gədəbəy rayonunun keçmiş icra hakimiyyəti başçısı Saleh Rüstəmov, onun qardaşı oğlu və AXCP fəallarının cinayət işi üzrə" məhkəmə prosesində iştirak üçün Bakı Ağır Cinayətlər Məhkəməsinin qarşısına toplaşan 11 fəal saxlanılıb.
Azərbaycan Xalq Cəbhəsi Partiyasından (AXCP) Turana bildiriblər ki, Nəsimi Rayon Məhkəməsi polis tərəfindən saxlanılan AXCP fəalları Orxan Səlimzadə, Ayaz Qasımov və Mehdi Nagıyevin hər birinə 30 sutka inzibati həbs verib. Məhkəmə partiyanın fəalları Kənan Əzizli və Ceyhun Arifi isə 200 manat cərimə edib.
AXCP bildirir ki, partiyanın fəalları Xəyal Əliyev, Fuad Tağızadə, Mahir Rüstəmli isə 50 manat cərimə edilib. Daha 2 fəal isə şifahi xəbərdarlıq edilərək azad buraxılıb.
AXCP-nin məlumatına görə, bu ilin yanvar ayı ərzində partiyanın 27 fəalı 10 sutkadan 30 sutkayadək inzibati həbsə məhkum eidlib. Onlarla fəal cərimə edilib. Milli Şuranın yanvarın 19-da keçirdiyi mitinqdən sonra yüzlərlə partiya fəalına polis tərəfindən zəng edilərək xəbərdarlıq edilib.
Rəsmi qurumlar AXCP fəallarının saxlanılması ilə bağlı hələ məlumat yaymayıb.-0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz