Norveç İnsan Hüquqları Evinin rəhbəri Bakını Mehman Hüseynovun hüquqlarını bərpa etməyə çağırır
Bakı/25.01.19/Turan: İnsan Hüquqları Evi Fondunun direktoru Mariya Dale Azərbaycan hakimiyyətini Mehman Hüseynovun təhlükəsizliyini təmin etməyə və ona qarşı repressiya kampaniyasına son qoymağa çağırıb.
"Baxmayaraq ki, Mehman Hüseynov üçün yeni cinayət işi təhlükəsinin olmaması müsbət haldır, amma o, artıq iki ildir siyasi motivli ittihamlarla azadlıqdan məhrum edilib.
Ən gec 2 mart 2019-cu ildə azadlığa çıxdıqdan sonra o, repressiyaların nəticələri ilə yaşayacaq", deyə Dale qeyd edir.
O, hakimiyyəti onun hüquqlarını tamamilə bərpa etməyə və 2012-ci ildən tətbiq edilmiş ölkədən çıxış qadağasını ləğv etməyə, şəxsiyyət vəsiqəsini və 2013-cü ildə müsadirə edilmiş sənədləri qaytarmağa çağırıb.
"Biz Azərbaycandakı digər siyasi məhbusları da unutmamalıyıq.
Onları azad etməyə və jurnalistlərə, hüquq müdafiəçilərinə, vəkillərə, blogerlərə və fəallara qarşı yönəlmiş repressiv sistemə son qoymağa çağırırıq. Azad və ədalətli demokratik cəmiyyətdə siyasi məhbus ola bilməz", deyə Mariya Dale qeyd edir.
* Bloger Mehman Hüseynov 2017-ci ildə iki il müddətinə azadlıqdan məhrum edilib və 2019-cu ilin martında azadlığa çıxmalıdır. Amma 2018-ci ilin dekabrında ona qarşı guya cəzaçəkmə müəssisəsinin əməkdaşını döymək ittihamı ilə yeni cinayət işi açılıb. Yanvarın 22-də yerli və beynəlxalq cəmiyyətin təzyiqi altında cinayət işinə xitam verilib. -0-
Siyasət
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
-
Cümə günü Bayden administrasiyası Ukraynaya ən böyük hərbi yardım paketinin ayrıldığını elan edib, Turan-ın Vaşinqton müxbiri bildirib.
Rəy yaz