AXCP-nin gənc fəalı D.Babayev xuliqanlıqda şübhəli bilinərək saxlanılıb
AXCP gənc fəalı Dəyanət Babayev şənbə günü noyabrın 17-də müxalifətin etiraz aksiyasında iştiraka görə 7 günlük inzibati həbs cəzası bitdikdən sonra azad edilməyib. O, təkrarən, bu dəfə artıq xuliqanlıqla bağlı cinayət işi üzrə şübhəli şəxs qismində saxlanılıb.
DİN-in mətbuat xidmətindən bu məlumatı təsdiq ediblər.
Bu qurumun məlumatına görə, Babayev noyabrın 7-də axşam Musa Rəhimovla birlikdə Nizami küçəsində Tofiq Səlimov adlı bir vətəndaşı təhqir ediblər və ona yüngül bədən xəsarətləri yetiriblər. Faktla bağlı CM-in 221.2.1-ci (xuliqanlıq, bir qrup şəxs tərəfindən törədildikdə) maddəsi ilə cinayət işi açılıb.
Lakin AXCP-də bunu təkzib edirlər.
Əslində, AXCP mətbuat xidmətinin rəhbəri Natiq Adilovun sözlərinə görə, bu şəxs (Səlimov) özünü DİN əməkdaşı kimi təqdim edərək, fəallara polis şöbəsinə gəlməyi təklif edib. Gənc fəallar ondan vəsiqəsini göstərməyi tələb etdikdə o, qaçmağa başlayıb. Bu zaman fəallar yaxınlıqdakı polis əməkdaşına məlumat veriblər, lakin özləri saxlanılıblar.
Lakin həmin vaxt gənclərdən izahat alaraq, onları sərbəst buraxıblar.
AXCP Babayevin saxlanılmasını "əhalinin və gənclər hərəkatının siyasi fəallığının boğulmasına" yönəlmiş addım kimi qiymətləndirir.
"Lakin hakimiyyətin siyasi rəqibləri ilə bu davranışı ölkədə genişlənməkdə olan demokratiya uğrunda ardıcıl və prinsipial mübarizənin qarşısını ala bilməyəcək. Bu ədalətsiz həbs, əksinə, vətəndaşların öz hüquqları uğrunda mübarizədə daha çox birliyinə və qətiyyətinə şərait yaradacaq", deyə partiyanın bəyanatında qeyd edilir.
Babayevin təqsiri sübuta yetirilərsə, onu 2 ilədək islah işləri və ya 5 ilədək azadlıqdan məhrumetmə cəzası gözləyir. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz