Oktyabrın 4-də Xalq Cəbhəsi Partiyasının üzvü Arzuman Məcidli Baş Prokurorluğun Ağır İşlər üzrə İstintaq İdarəsində ifadə verib. Bunu Turan-a A. Məcidli özü bildirib.
Onun sözlərinə görə, sorğu-sual daha çox “Azadlıq” qəzeti, qəzetin həbsdə olan direktoru Faiq Əmirlini tanıyıb-tanımaması ilə bağlı olub. “Mən də dedim ki, qəzetin direktoru kimi tanıyıram, amma şəxsi münasibətimiz yoxdur”.
A.Məcidli qeyd edib ki, istintaq qəzetə verdiyi elanlar, bu elanlara görə ödəmələr edib-etməməsi barədə də soruşub. O, hər hansı şəkildə ödəniş etmədiyini bildirib.
Xatırladaq ki, “Azadlıq” qəzetinin direktoru Faiq Əmirli bu il avqustun 20-də həbs edilib. Ona qarşı milli, dini, irqi ayrı-seçkilik, qanunsuz dini ayinlərə rəhbərlik etmək ittihamları irəli sürülüb.
AXCP bəyanat yayaraq bu ittihamları əsassız adlandırıb. Partiya hesab edir ki, məqsəd qəzetin fəaliyyətinə mane olmaqdır.
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz