Müsavat Partiyası sədrinin müavini Fərəc Kərimli bu gün amnistiya ilə vaxtından əvvəl azadlığa çıxıb. Bu barədə Turan-a Müsavat Partiyası sədrinin müavini Elman Fəttah bildirib.
Onun sözlərinə görə, F.Kərimlinin azadlığa buraxılması üçün əsas hələ iyunun 15-dən amnistiya aktı qüvvəyə mindiyi vaxtdan olub. Lakin Fərəci daha 4 ay həbsdə saxlayaraq amnistiya müddətinin başa çatmasına 10 gün qalmış buraxıblar.
Xatırladaq ki, Müsavat Partiyası sədrinin müavini Fərəc Kərimli və onun bitərəf qardaşı Sirac Kərimli 2014-cü ilin iyulunda qanunsuz narkotik maddə dövriyyəsində ittiham olunaraq həbs ediliblər.
F.Kərimli 6,5 il, S.Kərimli isə 6 il azadlıqdan məhrum edilib. Sonuncu əfv 2016-cı il martın 17-də olub. Bununla belə, o, bəraət almağa çalışır. Hər iki qardaş Amnesty International tərəfindən “vicdan məhbusu” kimi tanınıb.
Mayın 24-də Ali Məhkəmə F.Kərimlinin şikayətini qismən təmin edərək 234.4.3-cü maddə (narkotik maddənin qanunsuz hazırlanması, istehsalı, əldə edilməsi, saxlanması) üzrə ittihamı daha yumşaq maddəyə 234.1-ci maddəyə (narkotik maddənin şəxsi istifadə üçün qanunsuz əldə edilməsi və saxlanması) tövsif edib və onun cəza müddətini 3 ilədək azaldıb.—06C-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz