Ayətüllah-ül-üzma H.Həmədaninin səfəri başa çatır

Qafqaz Müsəlmanları İdarəsinin (QMİ) sədri, Şeyxülislam Allşahşükür Paşazadənin dəvətilə avqustun 31-dən Azərbaycanda səfərdə olan Ayətüllah-ül-üzma Hüseyn Nuri Həmədaninin səfəri sentyabrın 3-də başa çatır.

Səfər çərçivəsində H.Həmədani Şəhirlər Xiybanını ziyarət edib. Sentyabrın 1-də “Təzə Pir” məscidində olub. H.Həmədaniyə məscidin tarixi, bərpası haqda ətraflı bilgi verilib. Daha sonra H.Həmədaninin rəhbərliyi altında namaz qılınıb. Ayətullah H.Həmədani səfəri ilə bağlı danışarkən Qarabağ probleminə toxunub. Qarabağın qədim Azərbaycan torpağı olduğunu deyən H.Həmədani tez bir zamanda işğaldan azad olunmasını arzu edib. Daha sonra QMİ-nin böyük konfrans zalında H.Həmədanilə görüş olub.

QMİ sədri A.Paşazadə H.Həmədaninin səfərini Azərbaycan tarixində qalacaq  hadisə adlandırıb. İndiyə kimi Azərbaycana Ayətüllah-ül-üzma səviyyəsində səfər olmamasına diqqət çəkib. Bu səfəri cığır adlandıran QMİ sədri bundan sonra digər müctəhidlərin də Azərbaycana səfərə gəlməsini arzu edib. A.Paşazadə H.Həmədanini vaxtilə İrandakı şah rejiminə qarşı dönməz mübarizə aparan şəxsiyyət kimi səciyyələndirib.

Görüşdə çıxış edən H.Həmədani qədim tarixə malik Azərbaycana səfərdən şad olduğunu deyib, bu səfəri Allahın lütfü kimi dəyərləndirib. Müsəlmanların vəhdətinə nail olmağı islam dünyasının prioriteti adlandırıb. H.Həmədani islamın bərabərlik dini olduğunu bəyan edərək Azərbaycanda bu bərabərliyi gördüyünü vurğulayıb. “İndiki dövrdə müsəlmanların vəhdəti həmişəkindən daha mühüm əhəmiyyət kəsb edir”, - deyə H.Həmədani müsəlmanlar üçün əsas istiqaməti göstərib. H.Həmədani gənc nəslə elmli, islam maarifinə bələd olmaq tövsiyyəsi verib və təhsillərinə diqqət vermələrini xüsusi xatırladıb. 

H.Həmədani sentyabrın 2-də Şamaxı şəhərində olub. Qonağa “Cümə” məscidi və tarixi haqda məlumat verilib. Azərbaycan, bütünlükdə Cənubi Qafqaz və Yaxın Şərqdə ən qədim məscidlərdən olan bu məscidin 743-cü ildə tikildiyi qeyd edilib. 1859 və 1902-ci illər “Şamaxı zəlzələsi” zamanı məscid tam dağılmayıb, əzəmətini qoruyub.

Elə həmin gün H.Həmədani Gəncəyə gedib. Gəncədə “Şah Abbas” məscidini ziyarət edib. Bu ziyarətdən sonra qonaq “İmamzadə kompleksi”ndə olub. Kompleksdə tikinti işlərilə maraqlanıb. Daha sonra H.Həmədani Nizami türbəsini ziyarət edib. Bu ziyarətlə də H.Həmədaninin səfər proqramı sona çatıb.

Sentybarın 3-də Bakıya dönən H.Həmədaninin QMİ-də son görüşünü keçirdikdən, namaz qıldıqdan sonra İrana yol düşməsi nəzərdə tutulur. -05D-

Rəy yaz

Cəmiyyət

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti