Azadlıq qəzetinin redaktor müavini istintaqda dindirilib (YENİLƏNİB)
Dekabrın 29-da “Azadlıq” qəzetinin baş redaktorunun birinci müavini Rahim Hacıyev növbəti dəfə Baş Prokurorluğun Ağır Cinayətlərə Dair İşlər üzrə İstintaq İdarəsində dindirilib.
Rahim Hacıyev "Amerikanın Səsi"nə deyib ki, onu müstəntiq Anar Dəmirçiyev dindirib.
“Bir saat ərzində müstəntiqin Azadlıq qəzetinin maliyyə direktoru Faiq Əmirlinin işi və “Azadlıq” qəzetinin fəaliyyəti ilə bağlı suallarına cavab verdim”, deyə o qeyd edib.
Faiq Əmirli 2016-cı il avqustun 20-də saxlanılıb. Ona qarşı Cinayət Məcəlləsinin 283-2-ci maddəsilə (milli, irqi, dini düşmənçilik salmaq) ittiham irəli sürülüb. Avqustun 22-də isə 168.1-ci maddə ilə (dini məzhəbləri yaymaq) ittiham verilib.
İstintaq Faiq Əmirlini Hizməıt Hərəkatının imamı kimi tanıyıb.
F.Əmirli ittihamları qəbul etmir, gülməli adlandırır və sifariş hesab edir. -03B-
2016 Dekabr 28 (Çərşənbə) 21:32:36
“Azadlıq” qəzetinin baş redaktorunun birinci müavini Rahim Hacıyev növbəti dəfə istintaqa çağırılıb. Bu haqda jurnalistin özü məlumat verib. R.Hacıyevin bildirdiyinə görə, onu Baş Prokurorluğun Ağır Cinayətlərə Dair İşlər üzrə İstintaq İdarəsinə çağırıblar.
Jurnalist dekabrın 29-da saat 14.00-da adıçəkilən idarədə olmalıdır. Onu idarənin müstəntiqi Anar Dəmirçiyev dəvət edib. Rahim Hacıyev əvvəllər də istintaqa çağırılmışdı. O, sentyabr ayında Baş Prokurorluğun Ağır Cinayətlərə Dair İstintaq İdarəsində şahid qismində ifadə vermişdi. O zaman R.Hacıyev ifadəsi ilə bağlı detallı bilgi verə bilməyəcəyini demişdi.
“Şahid qismində ifadə vermişəm. Təfərrüatlara vara bilmərəm. Bircə onu deyə bilərəm ki, suallar ümumən «Azadlıq» qəzetinin fəaliyyəti ilə bağlı idi», baş redaktorun birinci müavini həmin vaxt demişdi.
R. Hacıyevdən əvvəl «Azadlıq» qəzetinin əməkdaşlarından Vidadi Məmmədov, Xəyal Babayev və redaktor Sücəddin Şərifov da Ağır Cinayətlərə Dair İstintaq idarəsində dindirilmişdilər.
Onlar hazırda həbsdə olan «Azadlıq» qəzetin maliyyə direktoru Faiq Əmirlinin işi ilə bağlı dindirildiklərini açıqlamışdılar.
Faiq Əmirli isə avqustun 20-da saxlanıb. O, Cinayət Məcəlləsinin 168.1-ci (Dini ayinlərin icrası adı altında vətəndaşların hüquqlarına qəsd etmə) və 283.2.2-ci (Milli, irqi, sosial, dini nifrət və düşmənçiliyin salınması) maddələri ilə ittiham edilir. İstintaq orqanları onu hazırda ABŞ-da yaşayan Fetullah Gülen-in tərəfdarlarının «Hizmet» Hərəkatının imamı kimi təqdim edir.-0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz