KTMT baş katibi Azərbaycanı təxribatda ittiham edir

"KTMT Katibliyində Ermənistan Respublikasının Çinari kəndi yaxınlığında silahlı insident haqqında məlumatı xüsusi narahatlıqla qarşılayıblar. KTMT üzvü olan dövlətin ərazisində, xüsusən, bu ilin aprel ayında Dağlıq Qarabağ Respublikasında ağır silah və zirehli texnikadan istifadə ilə kifayət qədər ağır insident fonundabu cür addımları təxribat kimi dəyərləndiririk". Bu barədə KTMT baş katibi Nikolay Bordyujinin bəyanatında deyilir. "Hər iki tərəfin, habelə bir sıra dövlət liderlərinin göstərdiyi səyləri nəzərə alaraq, Dağlıq Qarabağ probleminin nizamlanması prosesinin nəhayət daha fəal gedəcəyini düşünürdük. Amma son vaxtlar regiondan daxil olan atəşkəs razılaşmalarının müntəzəm olaraq pozulması haqqında məlumatlar, xüsusən dekabrın 29-da hərbi qulluqçuların ölümünə gətirib çıxaran növbəti insident ciddi narahatlıq doğurur", deyə bəyanatda qeyd edilib. Rəsmi Bakı hələlik bu bəyanatı şərh etmir. -03D-