Düz bir il əvvəl Azərbaycanın internet məkanına yeni bir informasiya saytı, yeni bir nəfəs gəldi. Müstəqil mövqeyi, obyektiv xəbərləri, bir-birindən maraqlı yazıları ilə "azadmekan.org" qısa bir zamanda oxucuların sevimlisinə çevrildi. Bu bir ildə problemlərimiz də oldu, çətinliklərimiz də. Amma bütün bunlar nə həqiqətləri deməyimizə, nə haqq-ədaləti müdafiə etməyimizə, nə də hər gün oxuculara qonaq gəlməyimizə mane oldu. Məkanımız adımız kimi azad və hər kəsə açıq oldu. Ölkənin tanınmış köşə yazarlarından tutmuş, jurnalistikada qələmini və bacarığını yeni-yeni sınamağa başlayan gənc bloqçulara qədər hər kəs bu məkanda özünü və azadlığını tapa bildi. İlk gündən tutduğumuz azad, müstəqil və prinsipial mövqeyimizi bundan sonra da davam etdirəcək, cəmiyyəti narahat edən, oxucularımızı maraqlandıran bütün məsələlərə işıq salmağa çalışacağıq. Neçə-neçə illəri siz sadiq oxucularımızla birgə qarşılamaq arzusu ilə...
"Azadmekan.org"
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz