Bakı şəhəri, Nərimanov rayonu, Tələt Şıxəliyev küçəsi 8-də yerləşən evini AXCP-yə icarəyə vermiş Azər Əsgərov Nərimanov Rayon Məhkəməsinin qərarı ilə 200 manat cərimə olunub. Bu barədə Turan-a AXCP sədrinin müavini Gözəl Bayramova bildirib.
Azər Əsgərov evini AXCP-yə icarəyə verdikdən bir neçə ay sonra evin zirzəmi hissəsində partlayış qeydə alınıb. Bundan sonra A.Əsgərovun özünün icazəsi olmadan onun evi də daxil olmaqla buna bütünlüklə sökülüb. Binada yaşayan sakinlərin hamısı yeni evlərlə təmin edilib. Yalnız A. Əsgərovun evinin əvəzində heç nə verilməyib. A.Əsgərovun şikayətləri də nəticəsiz qalıb.
A. Əsgərovun mülki işlər üzrə nümayəndəsi Namizəd Səfərov Turan-a bildirib ki, A. Əsgərov şikayətinə baxılmaq üçün Nərimanov rayon 18-ci polis bölməsinə çağırılıb və orada İnzibati Xətalar Məcəlləsinin 296-cı (xırda xuliqanlıq) və 310-cu (polisə tabe olmamaq) maddələri ilə ittiham olunub. -03B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz