Arxiv
Bakı/25.07.19/Turan: Azərbaycan HHQ-nin təyyarəsi təlim-məşq uçuşu zamanı qəzaya uğrayıb, bu barədə Azərbaycan Müdafiə Nazriliyinin iyulun 25-də yaydığı məlumatda deyilir.
İyulun 24-də saat 22.00 radələrində plana uyğun olaraq gecə vaxtı təlim-məşq uçuşları keçirən Hərbi Hava Qüvvələrinin MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib, deyə press-relizdə qeyd edilir.
İlkin ehtimallara əsasən aviasiya qəzası nəticəsində hərbi təyyarənin Xəzər dənizinə düşdüyü bildirilir.
Məlumatda vurğulanır ki, pilotun axtarışı və xilas edilməsi üçün təxirəsalınmaz tədbirlər həyata keçirilir.
Müdafiə nazirinin tapşırığı ilə yaradılmış komissiya qəzanın səbəblərinin araşdırılmasına başlayıb.
Əvvəllər də Azərbaycan HHQ-nin hava nəqliyyatı vasitələri qəzaya uğrayıb.
2013-cü il fevralın 11-də Azərbaycan HHQ-nin Mi-17 hərbi nəqliyyat helikopteri Bakının cənub-qərbində Şıxov qəsəbəsi sahillərində 8 metr yüksəklikdən Xəzər dənizinə düşüb. Üç ekipaj üzvü həlak olub.
2008-ci il yanvarın 29-da məşq uçuşu zamanı Xəzər sahilindən 60 km məsafədə dənizə düşən MiQ-29 təyyarəsinin qəzası nəticəsində iki hərbi pilot həlak olub. -0-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz