Açiq mənbələrdən foto.
Bakı/19.05.21/Turan: Daxili İşlər Nazirliyi mayın 15-də Azərbaycanla dövlət sərhəddini pozaraq Sərhəd Xidmətinin iki hərbçisini öldürən iki nəfər İran vətəndaşından birinin zərərsizləşdirildiyini bildirib.
Daxili İşlər Nazirliyinin mətbuat xidmətinin rəisi Ehsan Zahidov bildirib ki, Daxili İşlər Nazirliyi və Dövlət Sərhəd Xidmətinin əməkdaşlarının keçirdiyi birgə əməliyyat nəticəsində Yardımlı rayonu ərazisində dağlarda gizlənən İran vətəndaşlarından birinin yeri müəyyən edilib. O, təslim olmayaraq hərbi qulluqçulara silahlı müqavimət göstərib. Bu səbəbdən həmin şəxs zərərsizləşdirib.
Mayın 15-də Yardımlı rayonunun Gendərə kəndi yaxınlığında “Göytəpə’” sərhəd zastavasının xidməti sahəsində üç nəfər naməlum şəxs Azərbaycanın dövlət sərhəddini pozub. Onlar sərhədçilərin tələblərinə tabe olmadan atəş açıblar. Nəticədə baş leytenant Samir Eyvazov və kiçik gizir Fərid Alimov yaralanıb və tibb müəssisəsində həlak olublar.
Sərhəd pozucularından biri tutulub, ikisi cinayət yerindən qaçıb gizlənib. Onların İran vətəndaşları olduqları müəyyən edilib. Hadisə yerində narkotik maddələr aşkarlanıb. –71-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz