Bakı/13.05.17/Turan: Bakıda keçirilən İslam Oyunlarının proqramına cüdo və yüngül atletika üzrə paralimpiyaçıların yarışları daxildir.
Azərbaycanı 29 paralimpiyaçı təmsil edir - 12-i cüdo, 17-i yüngül atletika üzrə. Bu barədə Turan-ın müxbirinə Milli Paralimpiya Komitəsinin vitse-prezidenti Şaiq Həmidov bildirib.
Cüdo üzrə yarışlar kişilər arasında 4, qadınlar arasında 2 çəki kateqoriyasında keçirilir. Bu gün qadınlar arasında təkbətək yarışlar başlayıb.
Yüngül atletika üzrə yarışlar mayın 15-də başlayacaq.
Paralimpiyaçılar Sumqayıtda onlar üçün xüsusi olaraq inşa edilmiş və Cənubi Qafqazda yeganə məkan olan kompleksdə hazırlaşırlar.
Həmçinin burada fiziki imkanları məhdud olan uşaqlarla iş aparılır. Kompleksin məşqçisi Kamal Məmmədov bildirib ki, burada 60-70 uşaq məşğul olur.
Dünyada ilk dəfə olaraq 2013-cü ildə Azərbaycanda Uşaq Paralimpiya Komitəsi yaradılıb və iki dəfə uşaqlar arasında yarışlar keçirilib.-06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz