Azərbaycanın Amerikadakı səfirliyi Azərbaycan Xarici İşlər Nazirliyinin tapşırığı ilə ABŞ-ın hüquq-mühafizə orqanları tərəfindən saxlanılmış Azərbaycan vətəndaşı Sevinc Tağıyevaya lazımi hüquqi və konsul köməyini göstərəcək.
Azərbaycan XİN-in rəsmi nümayəndəsi Elman Abdullayev bildirib ki, ölkənin ABŞ-dakı səfirliyinə Amerika hüquq-mühafizə orqanlarından ittiham irəli sürülən 11 nəfərdən birinin Azərbaycan vətəndaşı Sevinc Tağıyeva olduğunu bildiriblər. S.Tağıyeva hazırda ixrac proseduralarını pozmaq ittihamı ilə Hyustonda həbsdədir.
Bu il oktyabrın 2-də Hyuston şəhərində ABŞ-dan qanunsuz mikroçiplərin çıxarılması ittihamı ilə 8 nəfər saxlanılıb. Onlara qarşı müvafiq lisenziya olmadan ABŞ ərazisindən yüksək texnologiyaların çıxarılması və casusluq ittihamı irəli sürülüb. Ümumilikdə 11 nəfərə ittiham irəli sürülüb. KİV-in məlumatına görə, ittiham irəli sürülənlərin arasında Şövkət Abdullayev adlı daha bir azərbaycanlı var. -03B-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz