Oktyabrın 4-də Azərbaycan SQ-nin Əməliyyat İmkanları Konsepsiyası Taboru və Sülhməramlı Taborunun 103 nəfərdən ibarət şəxsi heyəti Almaniyanın Hohenfels şəhərində yerləşən Müştərək Çoxmillətli Hazırlıq Mərkəzində (JMRC) sentyabrın 9-dan iştirak etdiyi “Missiyaqabağı yoxlama təlimindən” Bakıya qayıdıb.
Səhra təliminin məqsədi iştirak edən digər ölkələrinin qısa bir zamanda Əfqanıstana yollanacaq hərbi bölmələrinin hazırlanması ilə yanaşı, Azərbaycandan olan hərbi kontingent üçün “Sülhməramlı və təhlükəsizlik qüvvələri” mövzusunda hərbi təlim keçmək olmuşdur. Səhra təliminə əldəqayırma partlayıcı qurğularla mübarizə, yaraqlılara qarşı mübarizə, nəzarət-buraxılış məntəqələrinin qurulması və sülhməramlı və təhlükəsizlik qüvvələrinin fəaliyyətinə dair digər məsələlər də daxil olub.
Azərbaycan SQ-nin hərbi qulluqçuları ilk dəfədir ki, bu tipli təlimdə iştirak edirdilər. Müştərək Çoxmillətli Hazırlıq Mərkəzində Azərbaycanla yanaşı Albaniya, Slovakiya, Belçika, Çex Respublikası, Macarıstan, Polşa, Litva və Bosniya və Hersoqovina ölkələrindən hərbi bölmələr iştirak edib.
Azərbaycanın SQ-nin Əməliyyat İmkanları Konsepsiyası Taboru Azərbaycan Müdafiə Nazirliyi tərəfindən yaradılmış xüsusi bölmədir ki, NATO-nun başçılığı altında aparılan sabitlik və təhlükəsizlik üzrə koalisiya əməliyyatlarında iştirak edən NATO qüvvələri ilə əməliyyat uyarlılığına malikdir. Sülhməramlı Tabor isə Əfqanıstanda Beynəlxalq Təhlükəsizliyə Yardım Qüvvələrinə (İSAF) 2002-ci ildən başlayaraq qüvvələr ayırır.
Azərbaycan Silahlı Qüvvələrinin bölməsinin bu tədbirdə iştirakı ABŞ-ın Hərbi Əməkdaşlıq Ofisi, ABŞ SQ-nin Avropa Komandanlığı, ABŞ Quru Qoşunların Avropadakı Komandanlığı və Azərbaycan Respublikasının Müdafiə Nazirliyinin birgə səyləri ilə bir ildən artıq həyata keçirdikləri müştərək planlaşdırmanın məhsuludur. Səhra təlimində qazandıqları əməli təcrübə hər iki hərbi bölmənin koalisiya çərçivəsində aparılan sabitlik və təhlükəsizlik əməliyyatlarında iştiraketmə bacarığını artıracaq və NATO qüvvələri ilə əməliyyat uyarlılığını təkmilləşdirəcəkdir. Bu barədə ABŞin Bakıdakı səfirliyinin press-relizində deyilir. -0-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz