Şəmsiyə Rzayeva (Bəylərqızı) sifarişlə həbs edilib, bu barədə onun vəkili Elçin Sadıqov bildirib. O, ötən ilin iyununda İranın Azərbaycanda keçmiş səfiri Əfşar Süleymaninin şikayəti əsasında fırıldaqçılıq ittihamı ilə həbs edilib.
Bu gün Ağır Cinayətlər üzrə Məhkəmədə Şəkər Məmmədovun sədrliyi ilə Rzayevanın işi üzrə məhkəmə istintaqı yekunlaşıb və prokuror onun 10 il 6 ay müddətinə azadlıqdan məhrum edilməsini istəyib. Sadıqovun sözlərinə görə, Rzayevanın Süleymaninin 741 min dollarını mənimsəməsi ilə bağlı hər-hansı dəlil təqdim edilməyib. Rzayeva özünü təqsirli bilmir.
Vəkilin sözlərinə görə, hər şey onun Süleymanidən azyaşlı oğlu olduğunu bildirməsindən sonra başlayıb. Hazırda uşaq anasının həbsi ilə əlaqədar başqasının himayəsindədir. Vəkil dəfələrlə qətimkan tədbirinin ev dustaqlığı ilə əvəz edilməsi haqqında vəsatətlə çıxış edib.
Bir müddət əvvəl “Xural” qəzeti bildirib ki, Süleymani ölkəsinin hakimiyyətinə Azərbaycanda yeni ailəsi olduğu haqqında məlumat vermədiyi üçün İranda məsuliyyətə cəlb edilib. Süleymani hətta həbs edilib, lakin sonradan 2500 dollar məbləği dəyərində pul girovu ilə azad buraxılıb. Süleymani Rzayeva ilə nikahı olduğunu inkar edir və onun bəzi məsələlərin həlli üçün ondan pul aldığını iddia edir. Bu zaman o, özünü “Beynəlxalq ekspertiza və müdafiə Mərkəzi”nin rəhbəri kimi təqdim edib. -16C-
Cəmiyyət
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
Rəy yaz