Elxan Əliyev
Bakı/26.07.23/Turan: Bu gün Sabunçu Rayon Polis İdarəsinin əməkdaşları Azərbaycan Xalq Cəbhəsi Partiyasının təşkilat şöbəsinin müdir müavini Elxan Əliyevi saxlayıblar. Bu barədə partiyadan bildiriblər.
Qeyd ediblər ki, O, Cinayət Məcəlləsinin 178.3.2-ci (dələduzluq) maddəsilə şübhəli şəxs qismində saxlanılıb.
Partiyada hesab edirlər ki, Əliyev siyasi fəaliyyətlə bağlı təqib olunur.
Daxili İşlər Nazirliyinin mətbuat xidməti Əliyevin saxlandığını təsdiqləyib.
Daxili İşlər Nazirliyinin mətbuat xidmətinin əməkdaşı Anar Qafarov bildirib ki, Elxan Əliyev (1982-ci ildə anadan olub) , Yusif Əliyev (1982-ci il ) və Vəfadar Axundov (1970-ci il) vətəndaşın etibarından sui istifadə edərək Nardaran qəsəbəsində saxta sənədlərlə 0,14 ha torpaq sahəsini 57000 manata satıblar.
Daxil olan müraciət əsasında polis əməkdaşları bu üç nəfəri saxlayıblar.
Faktla bağlı Sabunçu Rayon Polis İdarəsinin istintaq şöbəsində Cinayət Məcəlləsinin 178.3.2 (dələduzluq, külli miqdarda ziyan vurmaqla törədildikdə), 320.1 (hüquq verən rəsmi sənədi istifadə etmək məqsədi ilə qanunsuz hazırlama) və 320.2-ci (bilə-bilə saxta sənədlərdən istifadə etmə) maddələrilə cinayət işi başlanılıb.
Onlar saxlanılıb və şübhəli qismində istintaqa təhvil verilib.
Daxili İşlər Nazirliyinin nümayəndəsinin sözlərinə görə, Elxan Əliyev sosial şəbəkələrdə paylaşdığı görüntülər öz qanunsuz əməllərini sığortalamaq məqsədindən irəli gəlir, həqiqəti əks etdirmir.
Qeyd edək ki, Elxan Əliyev saxlanmadan öncə Facebook-da video yayıb ki, bir neçə gündür ki, tanımadığı bir adam ona bağ evi almaqda kömək etməyi xahiş edir.
Əliyev keçmişdə rieltor fəaliyyətilə məşğul olsa da, son vaxtlar bu sahədə işini dayandırıb.
Buna baxmayaraq, Əliyev ona müraciət edən şəxsə bir neçə ev göstərib.
"O, məndən əl çəkmir. On gündür ki, ona bir ev və ya bağ tapmağımı xahiş edir. Bu gün də ona ev göstərdim, amma bu variantı da bəyənmədi. Bütün bunlar məndə şübhə doğurur. İndi onunla görüşə gedirəm, bilmirəm,bu, hakimiyyətin təxribatıdır, yaxud başqa bir şeydir", - Əliyev deyib.
Xalq Cəbhəsi Partiyası Ali Məclisinin Rəyasət Heyətinin üzvü Asif Yusifli hesab edir ki, bu, hakimiyyətin quraşdırdığı saxta ittihamdır.
“Elxan Əliyevin həbsi onun siyasi fəaliyyəti, sosial şəbəkələrdə hakimiyyətin siyasətini tənqid etməsi və Xalq Cəbhəsi Partiyasının təşkilatlanma işində, o cümlədən son zamanlar partiyanın Ədliyyə Nazirliyində qeyidiyyata alınması üçün apardığı aktiv fəaliyyətilə bağlıdır”,- o qeyd edib.
Elxan Əliyev bundan öncə də bir neçə dəfə inzibati həbsə məruz qalıb. 03В21/06
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz