Azərbaycan Xalq Cəbhəsi Partiyasının fəalı həbsxanada intihara cəhd edib
İyunun 21-də Azərbaycan Xalq Cəbhəsi Partiyasının fəalı Elnur Həsənov Bakı 1 saylı İstintaq Təcridxanasında intihara cəhd edib. Bu barədə Turan-a onun vəkili Nemət Kərimli bildirib.
Onun sözlərinə görə, Həsənov təcridxananın sanitar-tibb hissəsində pəncərə şüşəsini sındırıb, şüşə ilə damarını kəsərək intihara cəhd edib. Həkimlərin müdaxiləsindən sonra həyatı üçün təhlükə sovuşub. Bədəninə beş tikiş qoyulub.
Vəkilin dediklərinə görə, Həsənov intihar cəhdindən əvvəl 7 gün quru aclıq edib. Vəkil xatırladıb ki, bu, son 2 ayda onun üçüncü quru aclıq aksiyası olub.
Həsənov qanunsuz həbs olunmasına, məhkəmə prosesinin əsassız olaraq uzadılmasına, məhkəmə binasında konvoylar tərəfindən döyülməsinə etiraz edib.
O, Azərbaycan Xalq Cəbhəsi Partiyası rəhbərliyinin, bir qrup şəhid ailəsi üzvünün xahişilə aclığı dayandırıb.
* Elnur Həsənov 28 noyabr 2023-cü ildə narkotik maddələrin qanunsuz dövriyyəsi ittihamı (Cinayət Məcəlləsinin 234.4.3-cü maddəsi) ilə həbs edilib. Fəal hesab edir ki, onun həbsinin əsl səbəbi yol polisi rəhbərliyinin hərəkətlərini tənqid etməsidir. Hüquq müdafiəçiləri onu siyasi məhbus kimi tanıyıblar.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz