Müsavat Partiyasının fəalı 10 sutka həbs edilib
Müsavat Partiyasının Biləsuvar rayon təşkilatı sədrinin müavini Qoşqar Nuralı inzibati qaydada 10 sutka həbs edilib. İyunun 20-də o yaşadığı Xırmandalı kəndində saxlanılıb. Ertəsi gün Biləsuvar Rayon Məhkəməsi onu "polisə tabe olmamaqda" təqsirli bilərək 10 sutka inzibati həbs cəzasına məhkum edib. Bu barədə Turan-a Müsavat Partiyasının Məclis sədri Arif Hacılı bildirib.
Onun sözlərinə görə, Nuralı inzibati xəta törətməyib.
"Əsl səbəb başqadır. Qoşqar Nuralı sosial şəbəkədə deputat Bəhruz Məhərrəmovun barəsində yazdığına görə həbs olunub. O, Bəhruz Məhərrəmovun parlamentdə xalq hərəkatı (1980-cı illərin sonu-1990-cı illərin əvvəllərində sovet rejiminə qarşı etiraz hərəkatı nəzərdə tutulur) haqqında həqiqətə uyğun olmayan çıxışına etiraz bildirib", - Hacılı deyib.
Daxili İşlər Nazirliyindən şərh almaq mümkün olmayıb.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz