Açiq mənbələrdən foto.
Azərbaycan Xalq Cəbhəsi Partiyasının fəalı mülki geyimli şəxslərin onu döydüyünü bildirib
Bakı/24.10.23/Turan: Bir neçə gün öncə Azərbaycan Xalq Cəbhəsi Partiyasının üzvü Mehman Həbibovu mülki geyimli şəxslər döyüblər. O, Turan-a bildirib ki, oktyabrın 11-də axşam saatlarında üç nəfər mülki geyimli onu Qızıldaş qəsəbəsində (Bakının 25 kilometr cənubunda) saxlayıb qara rəngli avtomobilə oturdub.
Fəalın sözlərinə görə, onu qəsəbənin kənarına aparıblar, dəyənəklə döyüblər, ağır sözlərlə təhqir ediblər.
“Onlar mənə deyirdilər ki, "çəkilin qırağa. Hakimiyyətə gəlmək istəyirsiniz? Biz buna imkan vermərik. Döyəndən sonra məni buraxdılar”, - Həbibov deyib.
Onun bədənində zorakılıq izləri qalıb. 1 nömrəli şəhər kliniki mərkəzində fəalı müayinə etməyiblər, travmatologiya xəstəxanasına göndəriblər.
Sabunçu qəsəbəsindəki 3 saylı xəstəxanada rentgen və ultrasəs müayinəsi aparılıb, qançır və döş qəfəsinin travması qeydə alınıb.
Ertəsi gün 38-ci polis bölməsinin əməkdaşı onunla əlaqə saxlayaraq hadisə ilə maraqlanıb "O dedi ki, məni ekspertizaya göndərəcəklər. Bir həftə gözlədim, amma bir xəbər çıxmadı. Bundan sonra müalicə üçün Gürcüstana getdim", - Həbibov deyib.
Turan-ın Daxili İşlər Nazirliyinə sorğusu ilə əlaqədar bildiriblər ki, bu işi araşdırırlar. 21B06
Cəmiyyət
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
-
Yanvarın 29-da Bakıda və Abşeron yarımadasında hava dəyişkən buludlu olacaq, əsasən yağıntısız olacaq. Mülayim cənub-şərq küləyi əsəcək. Havanın temperaturu gecə müsbət 3+6, gündüz müsbət 8+13 dərəcə olacaq. Rütubət 70-80 faiz olacaq.
-
Gənclər ətraf mühitin mühafizəsinə yönəlmiş texnoloji həllərini təqdim ediblər Yanvarın 18-də Oxbridge Academy-də Azercell və “Eventify” şirkətinin birgə təşkilatçılığı ilə “Dayanıqlı İnkişaf” hakatonu baş tutub. Layihə gənclərə potensiallarını reallaşdırmağa imkan yaratmaq, eləcə də ətraf mühitin qorunmasına yönəlmiş texnoloji həlləri ərsəyə gətirmək məqsədini daşıyıb. Tədbir həmçinin startap ekosisteminin inkişafına töhfə verərək iştirakçılara öz innovativ ideyalarını həyata keçirmək üçün effektiv platforma rolunu oynayıb.
-
Süni intellekt texnologiyasından istifadə hallarının atdığı bir dövrdə kiberhücumlara məruzqalma halları müşahidə olunur. Bu barədə Daxili İşlər Nazirliyi bildirib.
Rəy yaz