Jurnalist Nurlan Qəhrəmanlı polisdən buraxılıb /YENİLƏNİB/

Jurnalist Nurlan Qəhrəmanlı heç bir cəza tətbiq edilmədən polisdən buraxılıb. Bunu Turan-a özü bildirib.

*   *   *

2023 Oktyab 24 (Çərşənbə axşamı) 16:29:36

Reportyor Nurlan Qəhrəmanlı saxlanılıb

Bakı/24.10.23/Turan: Oktyabrın 24-də reportyor Nurlan Qəhrəmanlı Baş Prokurorluğun binası qarşısında etiraz aksiyası keçirərkən saxlanılıb.

O sentyabrın 21-də saxlanılmasına, 30 sutka həbs olunmasına və fiziki təzyiqə məruz qalmasına etiraz edib.

Reportyorun sözlərinə görə, sentyabrın 21-də prokurorluq əməkdaşları onu paltarını dəyişməyə imkan vermədən birbaşa ev geyimində aparıblar.

Sosial şəbəkələrdəki yazılarına görə Baş Prokurorluğun İstintaq İdarəsində döyülüb, sonra inzibati qaydada həbs edilib.

Qəhrəmanlı bunu ifadə azadlığının pozulması hesab edir və bu gün baş prokuror Kamran Əliyevlə görüş tələb edib. Bundan sonra Baş Prokurorluğun binası qarşısında onu polis saxlayıb.

Daxili İşlər Nazirliyindən Turan-a bildiriblər ki, məsələ ilə bağlı daha sonra məlumat veriləcək.

Baş Prokurorluqdan şərh almaq mümkün olmayıb.06В